გამოფენის მასპინძელი: კულტურის ცენტრი ATINATI’S
იდეა – სოფიო ფარჯიანი
პროექცია / ანიმაცია – ირაკლი ზარაბიშვილი
მუსიკა – ნიკა მაჩაიძე (ძველ სვანურ საგალობლებზე დაფუძნებული კომპოზიცია)
გახსნა: 18:00 საათი
გამოფენის ხანგრძლივობა: 19.04.2023 – 23.04.2023

ATINATI’S კულტურის ცენტრი ირაკლი ფარჯიანის (1950-1991) შემოქმედებაზე შექმნილ პირველ ვიდეო-ინსტალაციას მასპინძლობს, რომელიც მხატვრის მიერ გადაწერილი და დასურათებული სახარებების ფაქსიმილე გამოცემაა. სახარებები რთული ტექნიკური მახასიათებლების გამო თითქმის ნახევარი საუკუნის განმავლობაში ვერ გამოიცა.
ფარჯიანის სახარებები შეიცავს ოქროსა და ვერცხლის პიგმენტებს. ნამუშევრები უნიკალურია თავისი ფერებითაც, რადგან შესრულებულია ირაკლი ფარჯიანის მიერ მიგნებული სპეციალური ტექნიკით, რაც საღებავების თავისებური დამუშავებით ფერების მიღებას გულისხმობს.
დამთვალიერებელს საშუალება ექნება ფარჯიანის სახარებების ზუსტი ასლი ვიდეო-ინსტალაციის სახით თანამედროვე ტექნოლოგიით გაცოცხლებული ნახოს.
ირაკლი ფარჯიანი (1950-1991) მე-20 საუკუნის ქართული ხელოვნების ერთ-ერთი ყველაზე გამორჩეული ფიგურაა. 1980 – იანი წლებიდან მოყოლებული ქართული მხატვრობის ლიდერია, რომელმაც თაობის პოზიცია, სტილი და მიმართულება განსაზღვრა. ქართულ ხელოვნებაში რელიგიური მხატვრობის გაწყვეტილი ტრადიციის რეაბილიტაცია სწორედ მის სახელს უკავშირდება.